(Видео) Историја: Македонија ја нокаутираше Германија, Пандев и Елмас стрелци!

Македонската фудбалска репрезентација испиша голема победа против Германија со резултат 2-1 на гостински терен во квалификациски меч за СП 2022 година.

Момците на селекторот Игор Ангеловски покажаа дека умеат да се надигруваат со најголемите репрезентации, а Германија едноставно немаше решение како да го пробие дефанзивниот „кордон“ пред голманот Димитриевски.

На самиот крај од првото полувреме, Пандев одлично се снајде и го отвори резултатот, а во вториот дел израмни Гундоган преку пенал во 63-та минута.

После овој израмнувачки погодок, нашата селекција почна да врши притисок врз подмладената Германија, а наградата за тоа дојде пет минути пред крајот на мечот. Феноменална акција на нашата репрезентација со гол ја круниса Елиф Елмас, кој уште еднаш покажа дека е еден од најдобрите наши играчи.

До крајот на мечот Германија се обиде да дојде до израмнување, но одбранбените играчи на Македонија совршено си ја одработија својата работа и не дозволија Димитриевски по вторпат да ја вади топката од сопствената мрежа.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s