„Нигде не те наоѓам“ од Роберт Билбилов е рефренот кој ќе ве освои на прво спушање

Роберт Билбилов уште еднаш се надмина себе си, премиера на „Нигде не те наоѓам“ на неговиот роденден. Додека цел свет стагнира, Роберт Билбилов “вади“ хитови – „Нигде не те наоѓам“ е рефренот кој ќе ве освои на прво спушање! „Мугри без нас, слика без глас, чудно е, ти си дел од мене, а пак си празнина…“, се дел од стиховите од новиот музички рефрен на Роберт Билбилов кој го носи името „Нигде не те наоѓам“. 

После мала пауза, на својот роденден, Билбилов го промовираше видеото заедно со темата на својот Јутјуб канал. Текстот за „Нигде не те наоѓам“ го потпишува Робин Зимбаков, додека, пак, музиката и аранжманот се на самиот Роберт. 

Кадрите за видеото се снимени на неколки локации, а зад режисерската палка стои „Motion Emotion Film Production“. Во спотот се појавува манекенката Ирина Кузевска, а задолжени за изгледот на актерите – протагности во оваа мала музичка филмска приказна на Билбилов беа Даниел Николовски, Викторија Бурсаќ и модниот дизајнер Мите Занов.