Горан Пандев имаше емотивно збогување со националниот дрес, откако селекторот Игор Ангеловски реши да го повлече од игра во 68. минута од мечот, предизвикувајќи аплаузи од сите навивачи на „Јохан Кројф арената“ во Амстердам.
Во прегратки со сите соиграчи од репрезентацијата, со малку солзи во очите, Гранде Пандев доби аплаузи од сите присутни на стадионот, од премиерот Зоран Заев, до неговиот поранешен соиграч од Интер, Весли Снајдер.
Секако, мора да се честита и на холандските организатори на мечот, откако прво Пандев доби дрес од холандската репрезентација со бројот 122 по бројот на неговите настапи за Македонија, а потоа и од режисерот кој постојано ги следеше реакциите на неколкуте илјади македонски фанови на трибините.
makstar.net 