Дина Јашари има нова песна “Копнежи”

Дина Јашари е дефинитивно најголемото освежување на новата македонска музичка сцена. Со инзвореден пристап кон пишувањето на песни, прекрасните сонливи аранжмани, емотивни лирики, современа, модерна и свежа продукција и хипнотизирачките настапи во живо со полно право ја ставаат Дина на пиедесталот на новата локална музичка сцена. Деновиве таа го промовира спотот за новата песна „Копнежи“ направен во соработка со Кокос Продукција. Режијата и камерата е потпишана од Кристијан Караџовски, а монтажата е на Андреј Ристевски. Спотот е снимен во месец април и мај 2021 година.