Македонските претставници на овогодинешното издание на детската Евровизија завршија на деветтото место. Иако прекрасните деца од „Дајте музика“ не победија, тие со својата песна „Green Forces“(„Зелени сили“) испратија моќна порака којашто не остана незабележана. Имено, Кристина, Анастасија, Миха и Филип упатија порака за заштита на животната средина и справување со климатските промени.
Што се однесува до гласањето на жири-комисиите ширум Европа, нашата држава освои 55 поени. Жири-комисијата од Албанија ни даде максимални 12 поени, Србија ни даде 3 поени, а меѓу земјите коишто ни дадоа поени беа Русија, Франција, Украина… Од онлајн гласањето, пак, Македонија освои 59 поени.
Вкупнo, нашите претставници освоија 114 поени, доволно за да се пласираат меѓу најдобрите 10.
Победата ја однесе талентираната Малена од Ерменија, којашто блесна на евровизиската сцена со песната „Qami Qami“.
makstar.net 