Филипче се сликаше со новинарите: Одиграа клучна улога во пандемијата со фер и професионален однос

Министерот за здравство Венко Филипче објави фотографија со новинарите кои следат сектор здравство.

-Новинарите одиграа клучна улога во пандемијата, тие беа партнер на министерството за што секогаш ќе им бидам благодарен. Нивниот фер, коректен и професионален однос придонесе за навремено и точно информирање на граѓаните за исклучително кризна тема. Изградивме одлични односи кои ќе продолжам да ги негувам и по заминување од позицијата, напиша Филипче на Фејсбук.

Тој вели дека како министерство поставен е нов стандард во комуникацијата преку постојано и транспарентно имформирање на јавноста.