Ковачевски: Браната „Конско“ е еден од најголемите инфраструктурни проекти во гевгелискиот регион во изминативе 50 години

Претседателот на Владата на Република Северна Македонија Димитар Ковачевски и министерот за земјоделство, шумарство и водостопанство Љупчо Николовски, денеска ја посетија новата браната „Конско“, којашто е во фаза на изградба.
Оваа вештачка акумулација е дел од хидросистемот „Гевгелиско поле“ и нејзиното пуштање во употреба ќе значи навремено обезбедување на вода за наводнување за нови 4.000 хектари земјоделски површини.

Браната „Конско“ е еден од најголемите инфраструктурни проекти во гевгелискиот регион каков што немало во изминативе 50 години.

Клучната функција на браната „Конско“ како дел од хидросистемот „Гевгелиско поле“ е навремено обезбедување на чиста вода за наводнување на земјоделските површини.

Со тоа создаваме услови за развој на конкурентно земјоделство, зголемување на производството на храна и на регионалниот економски развој и обезбедуваме наводнување на нови 4.000 хектари земјоделско земјиште.

Со инвестиција вредна 40 милиони евра браната Конско е најголемиот капитален водостопански објект во последните 50 години финансиран од #МЗШВ, кој е во завршна фаза и очекувам да биде готов во септември годинава.

Преку овој нов систем за наводнување и вештачко езеро, за 5 пати ги зголемуваме наводнуваните земјоделски површини.

Ја обезбедуваме потребната вода за наводнување во текот на цела година за 6.500 хектари нето земјоделска површина во јужниот дел на државата.

Клучен предуслов за квалитетно производство е навременото и редовно наводнување.Овој голем капитален проект го поттикнува развојот на земјоделството, влијае врз развојот на економијата во општина Гевгелија, и унапредувањето на здравјето и квалитетот на живот на граѓаните од целиот овој регион.