Министерот за надворешни Бујар Османи ќе ја предводи македонската делегација во Вашингтон на 2 јуни на стратешкиот дијалог со САД, одлучила Владата.
Дел од делегацијата ќе бидат и министерката за одбрана Славјанка Петровска, министерот за економија Крешник Бектеши и министерката за култура Бисера Костадиновска Стојчевска.
-Стратешкиот дијалог претставува подигнување на односите на повисоко ниво со Сад и е од особено значајно во контекст на актуелните безбедносни закани. Во рамките на дијалогот ќе бидат опфатени теми од билатералните односи за соработка во економијата, трговијата, образованието, транспортот, енергетиката, климатските промени, демократскиот развој, борбата против корупција, владеењето на правото, како и безбедносните сегменти од соработката, од миграција, борба против тероризам, па се до справување со организираниот и меѓународен криминал. – соопштија од Владата.
makstar.net 