Нова инвестиција на германски „Кил” од 9,2 милиони евра и нови 150 работни места

Компанијата „Кил Македонија” веќе успешно работи 6 години во нашата земја и во моментот над 130 наши сограѓани произведуваат иновативни транзитни патнички седишта за комерцијални возила и јавен превоз. Како што истакна премиерот во своето обраќање, успешниот раст на компанијата доведе до потреба за дополнително проширување на нивното портфолио со нова инвестиција од 9,2 милиони евра, а тоа значи нови 150 работни места, со очекуван вкупен извоз од над 160 милиони евра во следните 10 години. Почетокот на производството од новата фабрика се планира во следната 2023 година.

“Честитки по повод новата инвестиција од 9,2 милиони евра на германската компанија „Кил Македонија“ во ТИРЗ Тетово. И во услови на криза се реализираат големи инвестции. Само од неколку нови инвестиции кои ги објавивме изминативе неколку месеци се отвораат нови над 1700 работни места. Да бидам попрецизен, од заедничката инвестиција на Јангфенг и АРЦ Аутомотив се отвораат 100 нови работни места, од втората фабрика на американската компанија „Кемет Електроникс“ во ТИРЗ Скопје предвидени се нови 360 вработувања, во канадската МАГНА во зоната во Струга над 1000 вработувања. Во турската инвестиција ТЕКНОПАНЕЛ ќе се отворат 120 нови работни места, а во денешната нова инвестиција на германската Киел Македонија во ТИРЗ Тетово се отвораат нови 150 работни места.

Инвестиции во сите зони, во сите региони се наша цел, кризата да ја пребродиме со нови фабрики и нови вработувања.”