Фудбалската репрезентација на Соединетите Американски Држави ја исполни целта, победи во клучната пресметка против Иран (0-1) и како второпласирана од Групата Б патува во осминафиналето на Светското првенство (СП) кое се игра во Катар.
Иранците беа далеку од нивото на претходните средби и ја немаа онаа агресивност во нападот која им носеше шанси. Американците ја држеа топката уште од почетокот на натпреварот и имаа иницијатива кон голот на Беиранванд, но не можеа да го пробијат добро поставениот одбранбен бедем на азиската селекција.
Од првата сериозна шанса, Американците дојдоа до погодок. Се играше 38. минута кога Кристијан Пулишиќ се жртвува и изведе акробација во казнениот простор по која постигна гол, а потоа се судри со голманот и се повреди. Не можеше да го продолжи натпреварот поради ударот кој го доби во пределот на главата и на стомакот.
makstar.net 
1 Comment