(Видео) МЕСИ БЕШЕ КРАЛОТ, АЛВАРЕЗ БЕШЕ ТОПОТ Аргентина е во финале, Хрватска ќе се бори за бронза

Аргентина е првиот финалист на Светското фудбалско првенство во Катар, откако вечерва во полуфиналето ја совлада Хрватска во Лусаил со 3-0 (2-0) и во борба за титулата на истиот стадион в недела ќе го чека победникот од вториот полуфинален дуел меѓу актуелниот првак Франција и Мароко.

Хрватска го контролираше натпреварот во воведните 30-ина минути, но Аргентинците поведоа во 34. минута преку Лионел Меси од пенал, откако во шеснаесетникот беше фаулиран Хулијан Алварез, а истиот играч само пет минути подоцна со соло акција го зголеми водството на 2-0.

Во продолжението Алварез во 69. минута со својот втор гол на натпреварот на асистенција на Меси стави печат на победата на Аргентина, која последен пат беше светски првак во 1986 година.

Противник на аргентинската репрезентација во финалето ќе биде победникот од утрешниот дуел меѓу бранителот на титулата Франција и најпријатното изненадување на Мундијалот, Мароко.

Финалето е на програмата на 18 декември од 20 часот во Лусаил.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s