(Видео) 2 Бона: Денеска е денот да си кажеме што ни лежи на душа

Прегледите на нивните видеа се бројат во милиони, а настапуваат и преку граница.Сепак, траперите од 2 Бона велат дека иако чувствуваат голема поддршка од фановите, онаа од домашните медиуми ја нема. Споделија дека заедно со славата доаѓа и „паранојата“ дека некој постојано ги следи во чекор, но и дека ја прифатиле жртвата само за кога ќе станат наутро да не мора да прават ништо друго освен она што најмногу го сакаат – музика. Пред камерата на РСЕ ги коментираа и коментарите на оние кои ја оспоруваат трап музиката или кои им забележуваат на експлицитните текстови, но најавија и промена.