Филипче на новогодишната ноќ оперираше тумор на мозок

Министерот за здравство, Венко Филипче дел од новогодишната ноќ ја мина работно на Клиниката за неврохирургија. Тој оперирал пациент со тумор на мозокот.

-Ова е дежурниот тим за новогодишната ноќ на Клиниката за неврохирургија. Секогаш е задоволство да работиш со млади колеги. Вечерва тие ми асистираа во операција на тумор на мозок. Операцијата успешно ја завршивме, на пациентот му посакувам добро здравје и што побрзо опоравување. На моите колеги мирна ноќ. Среќна нова година!, порача Филипче.