Феро Инвест и Централ Инвест први ќе воведат во Македонија големи батериски системи за складирање на вишокот електрична енергија од обновливи извори
Фирмите Феро Инвест и Централ Инвест, на бизнисменот Кочо Анѓушев први ќе донесат во Македонија големи батериски системи за складирање на вишокот електрична енергија, која се произведува од електрани од обновливи извори.
Во моментот се гради нова фотоволтаична електрана од 6,5 MW (мегавати), а во неа ќе бидат инсталирани батерии како пилот-проект во државата.
Батериите моментално се единствениот начин за складирање на вишокот електрична енергија од обновливи извори, пред се од сончеви (фотонапонски) електрани. Складирањето на вишоците ќе го спречи тоа што сега случува-да има преголемо производство на електрична енергија која не може да се потроши во моментот кога се произведува. Батериите ќе овозможат струјата која преку ден е вишок, да може да се користи тогаш кога ќе биде потребна.
Инаку, компаниите на Анѓушев, кои меѓу другото поседуваат хидроелектрани, фотонапонски и био гасни електрани, лани остварија раст на приходите од 135%.
makstar.net 