Коста Костадинов – Цела Струмица на нозе. Илјадници струмичани со радост, гордост и низ песна ја пречекаа својата сограѓанка Славица Ангелова, победничката на големото балканско музичко шоу „Ѕвездите на Гранд“. Многу аплаузи и овации за неа, но и за нејзиниот ментор Ѓорѓе Давид.
Прекрасно доживување, вистински спектакл и безброј споделени емоции. Тоа го може само Струмица, затоа што само Струмица раѓа такви победници.
Горд сум што организиравме таков прекрасен пречек за Славица и неизмерно сум среќен што од мое име и од името на сите струмичани ја поздравив нашата хероина и нејзиниот ментор, и им честитав на големиот успех. Тие тоа го заслужија.
Нека знае Македонија, Балканот, Европа и светот дека една мала Струмица има големи имиња како што е нашата Славица Ангелова. Честитки за неа и нека и се множат убавите нешта во животот и кариерата.
makstar.net 