Два стана на Бихаќка, три апартмани во Панорама резиденс, како и градежно земјиште во Центар и Норово, му се одземени на поранешниот премиер Никола Груевски од случајот „Плацеви на Водно”, соопшти Агенцијата за управување со одземен имот. Како што велат оттаму, имотот наскоро ќе биде ставен на продажба.
“Правда за сите!
Со влегувањето во Владина постапка започна враќањето на паричните средства во буџетот на државата од одземениот имот на поранешниот премиер Никола Груевски.Станува збор за два стана кои што се наоѓаат на ул.Бихачка еден од 65м2, другиот од 44м2 на КО Кисела Вода 1, одземени со правосилна пресуда III KOK.бр.63/21 од Основен кривичен суд Скопје.Покрај овие два стана одземени се и три апартмани во Панорама Резиденс како и градежно земјиште во КО Центар и градежно земјиште во КО Норово за кои што исто така, во најкратко време, ќе бидат ставени во постапка за продажба.”
Груевски, кој е во бегство во Унгарија, во отсуство беше осуден на 9 години затвор дека со пари од партиски донатори и членови купувал плацеви и станови за себе на Водно. Поранешниот премиер е осуден за кривичните дела Перење пари и други приноси од казниво дело и Противправно стекнување и прикривање имот.
makstar.net 