Започна со работа новата Поликлиника Сарај, што ќе опслужува над 45 илјади жители. Инвестицијата е во вредност од 79 милиони денари, обезбедени од Министерство за здравство. Новата здравствена установа беше пуштен во употреба денеска во присуство на премиерот Димитар Ковачевски, вицепремиерот Артан Груби и министерот за здравство Фатмир Меџити.
Ковачевски “Здравјето на граѓаните е наш врвен приоритет.
Денеска заокружуваме уште една капитална инвестиција, новата Поликлиника „Сарај“, која е и една од најмодерните во државава. За прв пат, по 50 години, на жителите во овој дел од Скопје ќе им се обезбеди примарна здравствена заштита.
Со отворањето на Поликлиника „Сарај“, инвестиција вредна близу 1,3 милиони евра, буџетски средства, обезбедуваме современи услови за лекување и квалитетен здравствен третман.
Влогот во здравството се враќа со поголем квалитет на услугите, мотивирани здравствени работници и што е најважно, задоволни граѓани. Потребите на граѓаните за нас секогаш се на прво место.”
makstar.net 