Таравари во прва посета надвор од државата, во Приштина, се сретна со неговиот колега од Косово

Таравари – “Денес, придружуван од вицепремиерот за добро владеење и транспарентност, Арбен Фетаи и пратеникот на ВЛЕН, Беким Ќоку ја остварив мојата прва посета надвор од државата, во Приштина, каде се сретнавме со мојот колега, министерот за здравство и нашиот пријател, Арбен Витија.

Со Арбен имавме братски разговор за предизвиците во нашите здравствени системи и нашите соодветни приоритети за наредниот период.

Се договоривме да ја забрзаме и продлабочиме соработката меѓу нашите две влади, како во здравството, образованието и политиките за добро владеење, така и во кој било друг релевантен сектор за уште поголемо зближување меѓу нашите две земји и зајакнување на врските меѓу нашите народи.”