Претседателот на Социјалдемократскиот сојуз на Македонија, Венко Филипче денеска беше во посета на Крива Паланка, каде присуствуваше на пуштањето во употреба на реконструираниот „Виолетов мост“. Мостот е дел од проектот за обновување на градските мостови, кој вклучува и реконструкција на „Осички мост“ и „Шанин мост“, со вкупна инвестиција од 26.000.000 денари.
Парите за целиот проект се обезбедени кон крајот на минатата година, од Владата на СДСМ, со прераспределба на 32,5 милиони евра за развојни проекти во 44 општини ширум државата. Дополнително, Владата на СДСМ преку ТАВ програмата обезбеди реализација на 94 инфраструктурни проекти во општините во вредност од 50 милиони евра. Преку оваа програма, тука во Крива Паланка ќе се реконструираат два моста. Во завршна фаза е реконструкцијата на „Градечки мост“. Жителите на Крива Паланка добиваат и нов спортски терен за мал фудбал, чијашто изградба е финансирана од Развојната програма на општината, рече Филипче.
Со оваа динамика, до крајот на 2024 година, пет мостови во Крива Паланка ќе бидат целосно обновени и ставени во функција за граѓаните.
makstar.net 