“Денес, на традиционалниот марш во Кавадарци, организиран од Форумот на жени на СДСМ по повод Меѓународниот ден на жената, стоиме рамо до рамо сите заедно и го означуваме првиот, од 365 дена борба за еднаквост, за економска, политичка и социјална рамноправност, борба за прогрес!
СДСМ како проевропска и прогресивна партија ги почитува жените и ја препознава нивната способност, сила и моќ. Затоа отсекогаш биле и се на високи позиции и во Владата и во партијата. Работевме напорно и постигнавме многу изминативе години. СДСМ е предводник на концептот 50-50 на листите за пратеници и советници, министерските позиции на СДСМ во Владата се 50% жени, а донесовме и многу мерки, закони и стратегии за заштита и унапредување на статусот на жените и девојките. Но, нашата работа не застанува тука, борбата за еднаквост продолжува.
Со победата на СДСМ на изборите, во мојот втор мандат, мора да ги удвоиме напорите и да изградиме општество во кое насилството врз девојки и жени е минато, а родовите стереотипи не постојат. Патот го трасиравме и од него враќање назад нема”, истакна претседателот Ковачевски.
makstar.net 